气温虽然未降，但系对于广州嘅师奶来讲，人体已经跟住节气入秋，所以要开始秋季养生。阿妈成日话“秋燥”，唔单止系指皮肤干燥，而系全身五脏六腑都需要“润一润”。呢个时候，广州人最中意嘅老火汤又可以发挥巨大作用，每个阿妈都会按自己嗰本秋季养生汤谱帮你养生——玉竹沙参百合煲瘦肉、莲藕煲排骨、茶树菇煲龙骨……日日变换花款，包保冇重样。

原标题：未入秋先养生

寻日一场大雨，广州暑气尽消，中午出门上班居然觉得有啲凉爽。不过，大家唔好以为有些小凉意就算入秋。气象专家话，广州入秋起码都仲要等多一个月，所以大家唔使咁快准备秋衣喔。

其实，从二十四节气上来讲，8月初就已经系“立秋”。但喺广州，如果净系睇节气过日子，可能会变成冷热不知嘅生活白痴。到底咩时候入秋入冬，呢个就要睇冷空气点样安排。你唔好以为过咗中秋天气就一定转凉，“秋老虎”发威可能仲热过八月；就算系寒露霜降，喺广州可能都只系需要着单衫；至于大寒小寒亦有可能唔寒，北方可能已经落雪开暖气，广州嘅街坊最多就系收埋把电风扇。

气温虽然未降，但系对于广州嘅师奶来讲，人体已经跟住节气入秋，所以要开始秋季养生。阿妈成日话“秋燥”，唔单止系指皮肤干燥，而系全身五脏六腑都需要“润一润”。呢个时候，广州人最中意嘅老火汤又可以发挥巨大作用，每个阿妈都会按自己嗰本秋季养生汤谱帮你养生——玉竹沙参百合煲瘦肉、莲藕煲排骨、茶树菇煲龙骨……日日变换花款，包保冇重样。

正所谓“夏过无病三分虚”，按节气养生，对于老人家来讲系最重要嘅。各位后生仔女亦都要做到“不时不食”，咁先可以同各种亚健康症状讲“拜拜”。

中华养生网